Iнтэрнэт-партал судоў агульнай юрысдыкцыі Рэспублікі Беларусь

Вярхоўны Суд
Рэспублікі Беларусь


Канферэнцыі суддзяў абласных (Мінскага гарадскога) судоў, эканамічных судоў абласцей (г. Мінска)

Глава 19 Кодэкса Республікі Беларусь аб судовым ладзе і статусе суддзяў

Канферэнцыі суддзяў з’яўляюцца органамі судзейскай супольнасці Рэспублікі Беларусь.

У канферэнцыі суддзяў абласнога суда прымаюць удзел суддзі (суддзі ў адстаўцы) судоў агульнай юрысдыкцыі адпаведнай вобласці (г. Мінска).

Канферэнцыя суддзяў:

  • абмяркоўвае пытанні судовай практыкі і ўносіць суб’ектам права заканадаўчай ініцыятывы прапановы па ўдасканаленні заканадаўчых актаў;
  • разглядае актуальныя праблемы работы судоў, а таксама пытанні прававога, матэрыяльнага і сацыяльнага становішча суддзяў;
  • заслухоўвае старшыню адпаведнай кваліфікацыйнай калегіі суддзяў аб праведзенай рабоце.

Канферэнцыі суддзяў склікаюцца па меры неабходнасці, але не радзей як адзін раз у год.

Рашэнне аб скліканні канферэнцыі суддзяў адпаведных судоў прымае кваліфікацыйная калегія суддзяў гэтых судоў, якая вызначае час і месца правядзення канферэнцыі, фарміруе парадак дня, праводзіць падрыхтоўчую работу па правядзенні канферэнцыі.

Канферэнцыі суддзяў правамоцныя пры ўдзеле ў іх рабоце не менш за дзве трэці суддзяў, надзеленых правам удзелу ў адпаведнай канферэнцыі.

Рашэнне канферэнцыі суддзяў па любым пытанні лічыцца прынятым, калі за яго прагаласавала больш за палову ад агульнай колькасці прысутных.

Рашэнні канферэнцыі суддзяў, прынятыя ў межах яе кампетэнцыі, з’яўляюцца абавязковымі для выканання суддзямі, якія ўваходзяць у склад удзельнікаў дадзенай канферэнцыі.

Кантроль за выкананнем рашэнняў канферэнцыі суддзяў ажыццяўляецца адпаведнымі кваліфікацыйнымі калегіямі суддзяў.