Вярхоўны Суд
Рэспублікі Беларусь

Iнтэрнэт-партал судоў агульнай юрысдыкцыі Рэспублікі Беларусь

+375 (17) 308-25-01

+375 (17) 215-06-00

220020, г. Мiнск, вул. Арлоўская, 76

Актуальна

29 лістапада 2019  1364 25 лістапада 2019  1548 19 лістапада 2019  692   1665 12 лістапада 2019  1096 11 лістапада 2019  2030

Медыяцыя

Закон Рэспублікі Беларусь «Аб медыяцыі» ад 12 ліпеня 2013 г. № 58-З

Медыяцыя – перамовы бакоў з удзелам медыятара з мэтай урэгулявання спрэчкі шляхам выпрацоўкі ўзаемапрымальнага медыятыўнага пагаднення.


Арганізацыі, якія забяспечваюць правядзенне медыяцыі

Спіс медыятараў


Медыяцыя грунтуецца на даверы: бакі давяраюць медыятару як асобе, якая здольная забяспечыць эфектыўнае вядзенне перамоў.

Бакі самастойна выбіраюць медыятара і заключаюць пагадненне аб прымяненні медыяцыі.

Медыятар – фізічная асоба, якая валодае спецыяльнымі ведамі і навыкамі ў галіне медыяцыі, атрымала пасведчанне медыятара, што выдаецца Міністэрствам юстыцыі Рэспублікі Беларусь на падставе рашэння Кваліфікацыйнай камісіі па пытаннях медыяцыі.

Паслугі медыятара з’яўляюцца платнымі. Памер узнагароджання ўстанаўліваецца па пагадненні з бакамі.

Якія спрэчкі можна ўрэгуляваць з дапамогай медыяцыі?

  • спрэчкі, якія ўзнікаюць з грамадзянскіх праваадносін
  • спрэчкі, якія ўзнікаюць у сувязі з ажыццяўленнем прадпрымальніцкай і іншай гаспадарчай дзейнасці
  • спрэчкі, якія ўзнікаюць з працоўных і сямейных праваадносін.

Галоўная мэта медыятара:

  • устанавіць фактычныя ўзаемаадносіны бакоў, якія спрачаюцца
  • садзейнічаць удзельнікам спрэчкі ў самастойным урэгуляванні канфлікту ў ходзе паслядоўнага і канструктыўнага дыялогу
  • накіраваць перагаворны працэс на выпрацоўку ўзаемавыгаднага для абодвух бакоў медыятыўнага пагаднення
  • аказаць садзейнічанне ў фармулёўцы пазіцый медыятыўнага пагаднення.

Перавагі медыяцыі:

  • аператыўнае і ўзаемавыгаднае вырашэнне спрэчнай сітуацыі шляхам перамоў у найбольш зручны для бакоў час;
  • самастойная прапанова варыянтаў выхаду са спрэчнай сітуацыі, якая склалася, і выпрацоўка ўзаемапрымальнага для абодвух бакоў медыятыўнага пагаднення;
  • захаванне дзелавых партнёрскіх адносін і ўзаемавыгаднага супрацоўніцтва ў будучым;
  • добраахвотнае выкананне прынятых бокам абавязацельстваў медыятыўнага пагаднення;
  • гарантыя прымусовага выканання дасягнутага медыятыўнага пагаднення;
  • адсутнасць бока, які прайграў.

Медыятыўнае пагадненне – пагадненне, заключанае бакамі па выніках перамоў, праведзеных у парадку, прадугледжаным Законам аб медыяцыі, у мэтах урэгулявання спрэчкі (спрэчак).

Медыятыўнае пагадненне заключаецца бакамі ў пісьмовай форме і павінна ўтрымліваць звесткі аб баках, медыятары, прадмеце спрэчкі, а таксама аб прынятых бакамі абавязацельствах, накіраваных на ўрэгуляванне спрэчкі, і тэрмінах іх выканання. Медыятыўнае пагадненне падпісваецца бакамі і медыятарам.

Медыятыўнае пагадненне падлягае выкананню на аснове прынцыпаў добраахвотнасці і добрасумленнасці бакоў. Наступствы невыканання медыятыўнага пагаднення могуць быць устаноўлены бакамі ў медыятыўным пагадненні.

Прымусовае выкананне медыятыўнага пагаднення ажыццяўляецца ў парадку, прадугледжаным працэсуальным заканадаўствам.

Як доўга праводзіцца медыяцыя?

Тэрмін правядзення медыяцыі не можа перавышаць шасці месяцаў з дня заключэння пагаднення аб прымяненні медыяцыі.

Галоўныя прынцыпы:

  • добраахвотнасць – удзел у медыяцыі з’яўляецца волевыяўленнем бакоў, працэдура ініцыіруецца бакамі, кожны з бакоў мае права ў любы момант адмовіцца і выйсці з медыяцыі;
  • раўнапраўе ўдзельнікаў працэсу – ні адзін з бакоў не мае працэдурных пераваг. Лёс спрэчкі знаходзіцца ў руках яго ўдзельнікаў, нішто не рашаецца без згоды абодвух бакоў;
  • канфідэнцыяльнасць – факт правядзення працэдуры і інфармацыя, атрыманая ў ходзе яе, не могуць выдавацца без згоды бакоў;
  • нейтралітэт медыятара ў адносінах да кожнага з бакоў.

 

 

У чарговым выпуску

Маніторынг СМІ

Google перакладчык