Афіцыйныя друкаваныя выданні

Вярхоўнага Суда Рэспублікі Беларусь

Архiў нумароў

Чытайце ў часопісе "Судебный вестник Плюс: экономическое правосудие". № 5/2021

Для прагляду неабходна аўтарызавацца або зарэгістравацца

У рубрыцы “Актуальна” суддзя Вярхоўнага Суда Вольга Сінкевіч разважае пра тое, як павысіць гарантыі праў крэдытораў юрыдычнай асобы пры яе рэарганізацыі, якая актыўна выкарыстоўваецца асобнымі даўжнікамі як спосаб ухілення ад уплаты запазычанасці. Аўтар робіць выснову пра неабходнасць унясення змяненняў і дапаўненняў у заканадаўства і ўносіць канкрэтныя прапановы па яго ўдасканаленні.

У другой частцы каментарыя да новай рэдакцыі Закона “Аб сумесным домаўладанні” разглядаюцца змяненні, якія датычацца ўпраўлення агульнай маёмасцю сумеснага домаўладання, рэгулявання прававога статуса агульнага сходу ўдзельнікаў сумеснага домаўладання і парадка ўтварэння таварыства ўласнікаў.

У публікацыі суддзі Вярхоўнага Суда Алы Грыгаровіч (рубрыка “Судовая практыка”) прадстаўлены падыходы да разгляду патрабаванняў аб пакрыцці страт, якія заяўляюцца бакамі дагавора арэнды па прычыне невыканання або неналежнага выканання абавязацельстваў, якія выцякаюць з названага дагавора. А ў матэрыяле суддзі эканамічнага суда Гомельскай вобласці Алены Каражанец адлюстраваны вопыт вырашэння судом спрэчак пра спагнанне арэнднай платы, камунальных і эксплуатацыйных плацяжоў па дагаворы арэнды нерухомай маёмасці.

У артыкуле суддзі Вярхоўнага Суда Галіны Глухоўскай на падставе аналіза практыкі судовай калегіі па справах інтэлектуальнай уласнасці звернута ўвага на пытанні дагаварной і фінансавай дысцыпліны пры выкананні абавязацельстваў, якія вынікаюць з дагавораў пра стварэнне і выкарыстанне праграмных прадуктаў і іншых аб’ектаў інтэлектуальнай уласнасці.

У практыцы эканамічных судоў сустракаюцца спрэчкі пра спагнанне са спагнанніка (закладатрымальніка) страт, прычыненых, па меркаванні даўжніка, дзеяннямі закладатрымальніка, якімі парушаны права даўжніка на атрыманне выгады ад рэалізацыі маёмасці на публічных таргах. Падыходы суда да разгляду такой спрэчкі прадстаўлены ў публікацыі намесніка старшыні эканамічнага суда Віцебскай вобласці Вольгі Тур.

У матэрыяле начальніка аддзела эканамічнага суда Магілёўскай вобласці Паўла Борсука аналізуюцца асобныя працэсуальныя аспекты спагнання страт па аплаце юрыдычнай дапамогі, панесеных асобамі, якія ўдзельнічаюць у справе, у сувязі з яе разглядам у эканамічным судзе. Аўтар робіць акцэнт на магчымасці мінімізацыі адзначаных страт на прыкладах сітуацый, якія маюць месца ў судовай практыцы.

У артыкуле намесніка старшыні эканамічнага суда Мінскай вобласці Рамана Калбасава і галоўнага спецыяліста ўпраўлення абагульнення судовай практыкі Вярхоўнага Суда Кацярыны Гермянчук даследуюцца пытанні, якія могуць узнікаць пры кваліфікацыі адміністрацыйнага правапарушэння як здзейсненага паўторна, у кантэксце ўступлення ў сілу новага Кодэкса Рэспублікі Беларусь аб адміністрацыйных правапарушэннях. Пры гэтым улічваецца папярэдняя правапрымяняльная практыка, якая сфарміравалася ў перыяд дзеяння Кодэкса Рэспублікі Беларусь аб адміністрацыйных правапарушэннях 2003 года.