Афіцыйныя друкаваныя выданні

Вярхоўнага Суда Рэспублікі Беларусь

Архiў нумароў

Чытайце ў часопісе "Судебный вестник Плюс: экономическое правосудие". № 8/2021

Для прагляду неабходна аўтарызавацца або зарэгістравацца

У публікацыі суддзяў Вярхоўнага Суда Андрэя Плотнікава і Канстанціна Харытанюка акрэслены тэндэнцыі ў развіцці электроннага судаводства ў судах, якія разглядаюць эканамічныя справы. Суаўтарамі прааналізаваны прававыя пазіцыі, звязаныя з дапушчальнасцю, парадкам прадстаўлення, даследавання і ацэнкі электронных доказаў, прапанаваны рэкамендацыі па іх выкарыстанні.

Матэрыял суддзі эканамічнага суда Гомельскай вобласці Вікторыі Сергяенка прысвечаны асаблівасцям прымянення такога крытэрыя падсуднасці справы эканамічнаму суду, як суб’ектны склад удзельнікаў спрэчкі, звернута ўвага на наступствы няправільнага вызначэння падсуднасці.

Артыкул суддзі гэтага ж суда Віталя Козырава знаёміць  з практычнымі аспектамі даказвання па ісках аб спагнанні страт, якія выцякаюць з дагавораў падраду і аплатнага аказання паслуг. Акцэнт зроблены на абставінах, якія прымаюцца судом да ўвагі пры ўстанаўленні наяўнасці страт і вызначэнні іх памеру.

Законнасць рашэнняў кантралюючых органаў, звязаных з карэкціроўкай падатковай базы і сумы падатку, які падлягае ўплаце, плацельшчыкі нярэдка спрабуюць аспрэчыць у судзе. Кароткі агляд практыкі разгляду такіх спраў прыведзены ў артыкуле намесніка старшыні эканамічнага суда Віцебскай вобласці Наталлі Стэфановіч.

Асобныя пытанні, якія звязаны з аховай у судовым парадку права на атрыманне інфармацыі пра гаспадарчае таварыства, аналізуюцца ў публікацыі суддзі эканамічнага суда горада Мінска Кацярыны Есьман. Аўтар тлумачыць, хто з’яўляецца суб’ектам адзначанага права, у якім аб’ёме павінна быць прадстаўлена інфармацыя, наколькі абгрунтаваны довады адказчыкаў па адзначаных справах пра злоўжыванне правам з боку істца.

Даследаванню такіх сродкаў абароны праў уласніка, як віндыкацыйны і негаторны іскі, а таксама іск пра прызнанне права ўласнасці, прысвечаны артыкул суддзі эканамічнага суда Брэсцкай вобласці Вікторыі Петруковіч. Размова ідзе пра тое, кім і ў якіх выпадках можа быць прад’яўлены кожны з названых іскаў, якія ўмовы іх задавальнення.

У выманні з пастановы судовай калегіі па справах інтэлектуальнай уласнасці Вярхоўнага Суда прадстаўлены вынік разгляду спрэчкі пра датэрміновае прыпыненне прававой аховы ў Рэспубліцы Беларусь таварнага знака.