22 снежня 2021 года судом Ленінскага раёна г. Гродна разгледжана грамадзянская справа па іску С. (далей – ісцец) да ГУРБП «Гродназелянбуд» і БРУСП «Белдзяржстрах» (далей – адказчыкі) аб пакрыцці ўрону.

У заяве суду ісціца ўказала, што 30 ліпеня 2021 года падчас пакосу травы рабочы ГУРБП «Гродназелянбуд» пашкодзіў задняе шкло прыналежнага ёй легкавога аўтамабіля, які знаходзіўся ў момант пакосу травы ў абочыны па вул. Л. Чайкінай у г. Гродна. З улікам выкладзенага ісціца прасіла суд спагнаць з ГУРБП «Гродназелянбуд», БРУСП «Белдзяржстрах» урон у суме 479,38 рубля, судовыя выдаткі. 

У судовым пасяджэнні ісціца С. іскавыя патрабаванні з улікам удакладненняў і дапаўненняў падтрымала.

У судовым пасяджэнні прадстаўнікі адказчыкаў ГУРБП «Гродназелянбуд» і БРУСП «Белдзяржстрах» іск прызналі часткова.

Рашэннем суда Ленінскага раёна г. Гродна ад 22 снежня 2022 года з ГУРБП «Гродназелянбуд» на карысць ісціцы спагнана ў пакрыццё ўрону 15 рублёў, судовыя выдаткі ў памеры 195,40 рубля, а ўсяго 210,40 рубля, у задавальненні астатняй часткі патрабаванняў адмоўлена. 

З БРУСП «Белдзяржстрах» на карысць ісціцы спагнана ў пакрыццё ўрону 285 рублёў, у задавальненні астатняй часткі патрабаванняў адмоўлена. 

Рашэнне не абскарджана (не апратэставана) і ўступіла ў законную сілу.