2 чэрвеня 2022 года судом Першамайскага раёна г. Віцебска разгледжана грамадзянская справа па іску М. (далей – ісціца) да ААТ «Віцебскдрэў» (далей – адказчык) аб спагнанні грашовай кампенсацыі маральнай шкоды.

Ісціца ў іскавай заяве ўказала, што 9 ліпеня 2021 года на тэрыторыі ААТ «Віцебскдрэў» адбыўся няшчасны выпадак на вытворчасці. У прыватнасці, Т., кіруючы колавым аўтапагрузчыкам з паднятым каўшом, які абмяжоўвае бачнасць участкаў перад транспартным сродкам, ажыццявіў наезд на другі аўтапагрузчык пад кіраваннем яе бацькі, у выніку чаго пацярпеламу былі прычынены цялесныя пашкоджанні, ад якіх ён памёр.

У выніку таго, што адбылося, ісціцы былі прычынены маральныя пакуты, звязаныя з гібеллю і стратай блізкага чалавека. Прасіла суд спагнаць з адказчыка грашовую кампенсацыю маральнай шкоды ў памеры 300 000 рублёў.

Прадстаўнікі адказчыка ў судовым пасяджэнні іскавыя патрабаванні прызналі, прасілі зменшыць памер грашовай кампенсацыі маральнай шкоды да 10 000 рублёў.

Судом устаноўлена, што загінуўшы працаваў вадзіцелем пагрузчыка ў адказчыка, які з’яўляецца ўласнікам колавых аўтапагрузчыкаў. Прычынамі няшчаснага выпадку на вытворчасці з’явіліся невыкананне кіраўнікамі і спецыялістамі адказчыка абавязкаў па арганізацыі бяспечнай эксплуатацыі франтальнага пагрузчыка, з прычыны чаго вадзіцель пагрузчыка Т. рухаўся па дарозе з каўшом, які абмяжоўвае бачнасць спераду, не маючы магчымасці ўбачыць аўтапагрузчык, які выехаў яму насустрач, пад кіраваннем пацярпелага і спыніцца для прадухілення стварэння небяспечнай дарожнай сітуацыі.

Акрамя гэтага, у судовым пасяджэнні было ўстаноўлена, што загінуўшым таксама былі дапушчаны парушэнні працоўнай дысцыпліны, патрабаванняў лакальных нарматыўных актаў па ахове працы, якія выявілася ў тым, што ён пры перамяшчэнні па тэрыторыі ўчастка «Энергацэнтр» самастойна прыняў рашэнне і ажыццявіў выезд у неўстаноўленым для перамяшчэння месцы.

Пастановай следчага ад 31 снежня 2021 года крымінальнае праследаванне ў дачыненні да Т. спынена ў сувязі з адсутнасцю ў яго дзеяннях складу злачынства.

ААТ «Віцебскдрэў» у адпаведнасці з умовамі калектыўнага дагавора аказала ісціцы аднаразовую матэрыяльную дапамогу ў памеры 10 гадавых заробкаў загінуўшага.

Заслухаўшы тлумачэнні бакоў і трэціх асоб, даследаваўшы матэрыялы справы, з улікам палажэнняў арт.арт. 152, 948, 969, 970 ГК, пастановы Пленума Вярхоўнага Суда Рэспублікі Беларусь ад 28 верасня 2000 года № 7 «Аб практыцы прымянення судамі заканадаўства, якое рэгулюе кампенсацыю маральнай шкоды» суд прыйшоў да вываду аб частковым задавальненні іскавых патрабаванняў ісціцы.

Рашэннем суда Першамайскага раёна г. Віцебска з ААТ «Віцебскдрэў» на карысць ісціцы спагнаны грашовая кампенсацыя маральнай шкоды ў памеры 40 000 рублёў і пакрыццё выдаткаў па аплаце дапамогі прадстаўніка ў суме 750 рублёў.

Не згадзіўшыся з рашэннем суда першай інстанцыі ў частцы памеру кампенсацыі маральнай шкоды і спагнаных судовых выдаткаў, ісціца падала апеляцыйную скаргу на рашэнне суда Першамайскага раёна г. Віцебска.

Судовай калегіяй па грамадзянскіх справах Віцебскага абласнога суда ад 1 жніўня 2022 года рашэнне суда Першамайскага раёна г. Віцебска ад 2 чэрвеня 2022 года пакінута без змяненняў, а апеляцыйная скарга ісціцы – без задавальнення.

Рашэнне суда ўступіла ў законную сілу.